Khutbah Idul Adha Bahasa Sunda 

Khutbah Idul Adha 2023 M / 1444 H

خطبة عيد الأضحى

Ku:

Drs. KH. Iin Sholihin, M.SI

Teks Khutbah Idul Adha Bahasa Sunda-Bagian 1

Hadirin Sidang Idul Adha anu mulya

Teu aya kalimah anu paling merenah pikeun khotib dina raraga khutbah idul adha, 10 dzulhijjah 1444 H ieu, kajabi khotib umajak ka sadayana jama’ah, termasuk khotib anu ngajakna, geusan ngalaksanakeun parentah Alloh anu disebut Qurban, tegesna urang sadaya anu mampu kudu mencit hewan kurban anu mangrupi onta, sapi, domba, atawa embe, dina setiap tanggal 10 dugi 13 sasih dzulhijjah. Anu hukumna wajib ka nabi sunnah muakkadah ‘ala sabilil kifayah, minimal 1 domba, pikeun setiap keluarga tapi rutin tiap taun sehingga disebut Idul Adha.

Sebagai ciri bukti fakta nyata syukur nikmat anu prantos katampi ku urang sadaya ti Alloh SWT anu teu kinten poharana. Sakumaha pidawuh Alloh اِنَّا اَعْطَيْنٰكَ الْكَوْثَرَ

Saestuna kaula (saur Alloh) maparin ka anjeun (he Muhammad) kana pirang pirang kahadean anu pohara diantarana:

•  Iman, islam, ihsan, ilmu, ikhlas/ 5i) Ikhlas beramal
• Panjang umur jeung sehatna
• Dipaparin pangkat nabi+rasul, keluarga anu mulya, istri-istri anu saroleh, putra-putrina anu mulya, para pengikutna anu satia, saperti sohabat, tabi’in, tabiut tabi’in, ulama amylin, al-quranul adzim, haud atawa talaga, jsb.

 فَصَلِّ لِرَبِّكَ

Kusabab kitu, kudu ngadawamkeun anjeun kana solat. Boh fardu boh sunatna, khususna dina poe ieu kudu ngalaksanakeun sholat sunat Idul Adha, bari niat ikhlas karena Alloh sebagai ciri bukti tanda nyata Syukran Li in’amihi

وَانْحَرْۗ jeung kudu mencit hewan kurban anjeun kalawan hewan anu pang alus-alusna di tengah tengah bangsa arab, nyaeta onta beureum anu pupundakan anu pang gede-gede na jeung kudu nyodakohkeun anjeun kana dagingna ka jalma anu banget butuh.

Eta ayat ditujukeun ka Nabi Muhammad SAW, henteu berarti yen meuncit kurban teh teu berlaku keur umatna, tapi kegiaan meuncit hewan kuran teh berlaku pikeun umatna dumasar kana salah sahiji koidah ushul fiqh nu kieu unggelna:

خِطَابُ رَسُوْلِهِ خِطَابُ أُمَّتِهِ

Ari parentah/ larangan Alloh ka rasulna berarti parentah/larangan Alloh ka umatna. Jadi urang selaku umatna dina setiap tanggal 10-13 dzulhijjah tiap tauna oge diparentaheun ngalaksanakeun meuncit hewan kurban anu tos ditangtukeun, sebagai rasa syukur ka Alloh kuayana Alloh setiap saat maparin nikmat.

Mudah-mudahan urang sadaya sing kalebet jajaran hamba Alloh anu setiap saat mampu bersyukur ka Alloh SWT, aamiin.

Hadirin siding Idul Adha anu mulya

Carana bersyukur secara umum nyaeta

صَرْفُ المَالِ وَاِجْرَاءُ الأَعْضَاءِ فِى طَاعَةِ اللهِ

Hartina ngabalanjakeun/ nyodakohkeun sebagian harta, oge ngagunakeun sakabeh anggota badan dipake ibadah/ toat ka Alloh SWT.

Numutkeun Syekh Imam Nawawi, cara syukuran ka Alloh teh nyaeta:

• Dzikrun ni’am

Nyebutkeun pirang-pirang kanikmatan anu geus dipaparinkeun ka urang ti mimiti lahir dugika kiwari.

• Dzikur mun’im

Nyebut jenengan Alloh anu maparin nikmat ka urang sadaya ku loba maca quran, maca asmaul husna, doa, dzikir, tasbih, tahlil, tahmid, takbir sa seueur seueur na, siang-malam. Oge inget/ sadar yen sakabeh perkara anu aya di diri urang eta teh ti Alloh, ka Alloh, ku Alloh, nu Alloh. Tegesna urang sing loba dzikir bil lisan, bil jinan, bil arkan oge bil amwal.

• Shorfun Ni’am

Ngabalanjakeun, ngainfakeun nyodakohkeun, kana sebagian nikmat anu tos dipaparinkeun ku Alloh ka urang. Tegesna sing loba sodaqoh.

• Tho’atul mun’im

Taat ka Alloh anu tos maparin pirang-pirang kanikmatan ku jalan satuhu satia ngalaksanakeun parentahna, nebihan laranganna. Tegesna sing loba ibadah ka Alloh, iraha wae, dimana wae, oge dina kaayaan kumaha wae.

Hadirin Sidang Idul Adha anu Mulya

Dina dinten idul adha ieu dugi ka kaping 13 dzulhijjah diparentahkeun pikeun meuncit hewan kurban. Mudah-mudahan aya milikna disarengan ku niat ikhlas sehingga ibadah kurban anu dilaksanakeun ku urang sadaya aya dina panampian Alloh SWT.

Hadirin Sidang Idul Adha anu Mulya

Ibadah kurban teh ngarupakeun syariat umat nabi baheula. Sateuacan kurban anu dilaksanakeun ku Nabi Ibrahim sareng putrana Nabi Ismail alaihimas salam. Urang nitenan heula kisah kurban ti kawit Nabi Adam alaihis salam anu dilaksanakeun ku dua putrana nyaete qabil sinareng habil, pikeun nangtuken pernikahan silang antara putra putrina anu ditentang ku qabil.

Numutkeun Nabi Adam alaihis salam, atas petunjuk Alloh yen Qabil nikah ka Labuda sedengkeun Habil ka Iqlima. Tapi qobil henteu narima kana eta aturan. Pikeun ngabuktikeun mana/saha anu bener sareng saha anu salah, maka qobil sareng habil diparentahkeun ngorbankeun sebagian hartana.

Qabil ngorbanekun hasil pertanian sesuai jeung profesina tukang tani.

Habil ngorbankeun hasil peternakan mangrupa qibas/ domba gede sabab profesina sebagai peternak.

Sing saha anu korbanna ditarima bakal dinikahken ka iklima. Cirina ditarima, bakal aya anu turun ti langit mawa kana salah sahiji pengorbanan.

Ternyata aya seunu / cahya ti langit nyambar/mawa kana pengorbanan Habil anu ikhlas sedengkeun pengorbanan Qabil anu teu ikhlas mah teu ditarima. Sakumaha pidawuh Alloh:

وَٱتْلُ عَلَيْهِمْ نَبَأَ ٱبْنَىْ ءَادَمَ بِٱلْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ ٱلْءَاخَرِ قَالَ لَأَقْتُلَنَّكَ ۖ قَالَ إِنَّمَا يَتَقَبَّلُ ٱللَّهُ مِنَ ٱلْمُتَّقِينَ

Bejakeun ku anjeun he Muhammad/ bacakeun kisah dua putra adam  (kabil sareng habil) nalika maranehna ngalaksanakeun qurban anu hiji ditarima anu hiji ditolak Maka Qabil nyarita ka habil Yakin kaula bakal ngabunuh anjeun saenyana, he Habil! Maka habil ngajawab: Saestuna Allah bakal narima kana ibadah/ pengorbanan ti jalma jalma anu takwa ka anjeuna. Tegesna Alloh narima kana ibadah atawa pengorbana anu bijil tina hate anu ikhlas.

Kusabab kitu, dina raraga ngalaksanakeun ibadah dina hal meuncit hewan qurban teh sing bener elmuna sing alis paniatannana. Sabab syarat sahna ibadah nyaeta ayana iman, islam ihsan sareng ilmu. Jeung syarat ditarima na amal ibadah ku ayana niatan ikhlas.

Sesuai sareng pidawuh Alloh,

لَنْ يَّنَالَ اللّٰهَ لُحُوْمُهَا وَلَا دِمَاۤؤُهَا وَلٰكِنْ يَّنَالُهُ التَّقْوٰى مِنْكُمْۗ

Moal ngarawat ka Alloh daging hewan qurban oge getihna, tapi anu bakal ngarawatkeun ka Alloh katakwannana. Jadi anu dinilai ku Alloh dina sagala rupa ibadah termasuk meuncit hewan qurban tehn nyaeta amal anu didadasaran ku katakwaan bari ikhlas semata mata ngalaksanaken parentah Alloh.

Mudah mudahan urang sing kalebetkeun jalma jalma anu takwa ka anjeuna, aamiin.

بَارَكَ اللهُ لِى وَلَكُمْ

Khutbah Idul Adha-Bagian 2