Terjemah Al Barzanji Attiril Akhir - Sifat dan Akhlak Nabi Muhammad SAW

Nadoman Sunda Terjemah Al Barzanji Attiril Akhir - Sifat dan Akhlak Nabi Muhammad SAW

nadoman maulid nabi Muhammad SAW ini merupakan terjemah maulid albarzanji attiril akhir atau wakana terakhir dalam bentuk syair atau nadoman. Penerjemah nadom al bazanji berikut adalah KH. Drs. I Solihi, M.SI, Pengasuh Pondok Pesantren Riyadlu As Shalihin, Cihaur-Cipasung Tasikmalaya.

Nadoman barzanji ini biasanya dibacakan dalam pengajian ibu ibu yang dihubungkan dengan peringatan maulid nabi muhammad saw di bulan rabiul awal ini.

Kaayaan Kanjeng Nabi 

banget isin na ku Gusti 

banget tawadhu ka jalmi 

sopan santun ka sasami 

Nabi sok ngesol sapatu  

oge sok ngaputan baju

sarta osok meres susu

ku nyalira teu kalangsu

Nabi osok sudar sodor 

ka istrina teu taledor

ramah tamah tara negor

sumawona mun gegedor

nabi cinta fakir miskin

riung mungpulung teu isin

ngalayad ka fakir miskin

kanu teu damang sok tigin

lamun maot dijajapkeun 

ka kuburan dianteurkeun

nu fakir teu dihinakeun

salamina dimulyakeun

Nabi jembar pangapunten

sanajan teu disuhunkeun

nabi tara males keuheul

ka jalma nu mikakeuheul

nabi osok kersa angkat 

jeung jalmi jompo malarat

abid abid sareng amat 

nyaahna kaliwat liwat

Nabi tara pisan gimbir

ku raja ku tukang sihir

najan mamawa gegendir

tara kabur tara ngacir

Kanjeng nabi osok wera

karana Alloh Ta'ala

Kanjeng nabi sok gumbira

karana Alloh Ta'ala

Kanjeng Nabi osok angkat

pengkeren para sohabat

pok nyarios ka sohabat

tukangeun teh malaikat

Malaikat ruhaniyah

di tukangeun henteu salah

nutur nutur Rosulullah

ngajaga kakasih Alloh

Nabi osok tumpak onta

kuda bigol jeung himarna

hadiah ti raja raja 

sanes ngagaleuh ngahaja

Patuangan Kanjeng Nabi

diganjel ku batu suci

nahan lapar nu terjadi 

siang atanapi wengi

padahal gudangna rizki

dipasihkeun ka Jeng Nabi

malah gunung anu tinggi 

nawisan ka Kanjeng Nabi

sangkan jadi emas murni

bekel dakwah Kanjeng Nabi

tapi Nabi henteu nampi 

sabab teu pati peryogi

Kaayaan kanjeng nabi

nyaeutuieun kana lagwi

padamelan nu teu uni

ucapan teu ngandung harti

kanjeng nabi sok ngawitan

maca salam sok mayunan

mun solat sok dipanjangan 

mun khutbah sok dipendekkan

Nabi hormat kanu mulya 

ngamulyakeun ka ulama

nu beunghar malarat sama

hingga ningkat martabatna

Nabi osok sempal guyon 

tapi bener teu lulucon

sumawona mun guguyon 

cariosan ngetan ngulon

Jeng nabi tara nyarios

anging nu matak kahartos

bener akur sareng buktos

nyarios tara nyorocos

sahingga dipikacinta

ku Gusti Alloh Ta'ala

diridhoan anu nyata

ku Alloh Anu Kawasa

dugi kadieu tamatan 

eureun tina caritaan

cara kuda lulumpatan

mogok sabab kacapean

eureun tina nyarioskeun 

kisah nabi dihabarkeun 

katerangan dijelasken

sesuai jeng tempat eureuen

Topik Terkait: maulid nabi muhammad saw 2026 nadhom maulid nabi nadhom bulan maulid nabi sholawat maulid nabi 2026 berjanjenan maulid nabi maulid nabi muhammad song akhlak nabi muhammad saw sifat nabi muhammad saw cerita maulid nabi untuk anak tausiah maulid nabi muhammad saw lagu maulid nabi muhammad saw maulid nabi al barzanji lagu sunda maulid nabi muhammad saw lagu kisah nabi muhammad saw