Nadoman Maulid Nabi Muhammad SAW - Sifat Diri dan Akhlak Nabi Muhammad SAW

nadoman maulid nabi Muhammad SAW ini merupakan terjemah maulid albarzanji rawi 17 dalam bentuk syair atau nadoman. Penerjemah nadoman ini adalah KH. Drs. I Solihi, M.SI, Pengasuh Pondok Pesantren Riyadlu As Shalihin, Cihaur-Cipasung Tasikmalaya.

Nadoman ini biasanya dibacakan dalam pengajian ibu ibu yang dihubungkan dengan peringatan maulid nabi muhammad saw 2024 di bulan rabiul awal ini.

Postur tubuh Kanjeng Nabi

Sampurna kawanti wanti

Adeg pangadegna Nabi

Pinuh ku akhlak terpuji

Salira na Kanjeng Nabi

Dzat jeung sifat na terpuji

Adeg pangadeg na Nabi

Sedeng teu Pêndêk teu tinggi

Warna kulit Kanjeng Nabi

Bodas Semu beureum nyeni

Bola soca Kanjeng Nabi

Hideung cureuleuk tur nyari

Cureuleukna Kanjeng Nabi

Lir disifat cara istri

Kerep bulu soca Nabi

Endahna Kawanti wanti

Halis soca Kanjeng Nabi

Ngajelêr paeh tur nyari

Endahna bawa ngajadi

Anugrah Ilahi Robbi

Waosna putih tur bersih

Bêrês henteu berselisih

Baham lêbar lambang gigih

Pidatona hêbat canggih

Taarna hêrang tur lega 

Bari pinuh ku cahaya

Lir cahya bulan purnama

Lambang ilmu nu nyagara

Damisna endah tur ngeusi

Henteu kemong henteu kebi

Pangambungna mancung nyeni

Lir ibarat katumbiri

Jarak tak tak Kanjeng Nabi

Dua dampal tangan jalmi

Carêhamna Kanjeng Nabi

Kandel kuat tur utami

Daging Keuneung Kanjeng Nabi

Ipis lambang kuat lari

Kiat angkat jalan kaki

Najan tebih tara nyeri

Ari janggot Kanjeng Nabi

Kandel bêrêsih tur murni

Mastakana Kanjeng Nabi

Ageung saimbang tur nyari

Ageungna Mastaka Nabi

Lambang kapinteran Nabi

Nabi pang pinterna jalmi

Pinterna rangking kahiji

Ari rambut Kanjeng Nabi

Panjang dugi kana ceuli

Antara walikat Nabi

Aya cap khotamun Nabi

Eta cap khotamun nabi

Salamina disinari

Ku cahaya nur ilahi

Nu mancar kaluhur bumi

Ari kêsang Kanjeng Nabi

Lir mutiara nu murni

Seungitna salira Nabi

Lir seungit minyak kasturi

Mapah nabi osok tungkul 

Di jalan rata teu renjul

Cara leumpang jalma tungkul

Dina pudunan taringgul

Nabi osok sasalaman

jeung jalmi nu sasalaman

Bari nyodorkeun panangan

Nu katuhu bari sopan

Tapak sasalaman Nabi

Kaangseu seungit ku jalmi

siang atanapi wengi

seungit lir minyak kasturi

Kanjeng Nabi sok ngusapan

Kana sirah budak lian

Hingga bisa kanyahoan

Eta budak diusapan

Pameunteuna Kanjeng Nabi

Cahayaan siang wengi

Saperti bulan purnami

Nyaangan seluruh negeri

Nu nyifatan Kanjeng Nabi

Nyarios penuh simpati

Henteu pernah ningal jalmi

Nu sampurna cara Nabi