Khutbah Idul Fitri Bahasa Sunda Tahun 2020

Oleh : KH. Iin Solihin , Drs., M.SI

Pimpinan PonPes Riyadlu As-Shalihin Cihaur Cipakat Singaparna

Wakil Rois Syuriah NU Kab. Tasikmalaya

Naskah Khutbah Idul Fitri Bahasa Sunda Tahun 2020 M - 1441 H

Khutbah 1 

اَلسَّلَامُ عَلَيْكُمْ وَرَحْمَةُ اللّٰهِ وَبَرَكَاتُهُ

اَللّٰهُ أَكْبَرُ x9 لَاإِلٰهَ إِلَّا اللّٰهُ وَاللّٰهُ أَكْبَرُ اَللّٰهُ أَكْبَرُ وَلِلّٰهِ الْحَمْدُ

اَللّٰهُ أَكْبَرُ كَبِيْرًا وَالْحَمْدُ لِلّٰهِ كَثِيْرًا وَسُبْحَانَ اللّٰهِ بُكْرَةً وَأَصِيْلًا. لَاإِلٰهَ إِلَّا اللّٰهُ وَحْدَهُ، صَدَقَ وَعْدَهُ، وَنَصَرَ عَبْدَهُ، وَأَعَزَّ جُنْدَهُ وَهَزَمَ الْأَحْزَابَ وَحْدَهُ، لَاإِلٰهَ إِلَّا اللّٰهُ وَلَا نَعْبُدُ إِلَّا إِيَّاهُ، مُخْلِصِيْنَ لَهُ الدِّيْنَ، وَلَوْكَرِهَ الْكَافِرُوْنَ، لَاإِلٰهَ إِلَّا اللّٰهُ وَاللّٰهُ أَكْبَرُ اَللّٰهُ أَكْبَرُ وَلِلّٰهِ الْحَمْدُ.

اَلْحَمْدُ لِلّٰهِ الَّذِيْ جَعَلَ صِيَامَ رَمَضَانَ رَحْمَةً وَمَغْفِرَةً وَعِتْقًا وَرِضَاءً لِلْمُتَّقِيْنَ. وَالصَّلَاةُ وَالسَّلَامُ عَلٰى سَيِّدِنَا مُحَمَّدٍ سَيِّدِ الْمُرْسَلِيْنَ وَعَلٰى آلِهِ وَصَحْبِهِ وَالتَّابِعِيْنَ وَتَابِعِيْ التَّابِعِيْنَ لَهُمْ بِإِحْسَانٍ إِلَى يَوْمِ الدِّيْنِ. أَشْهَدُ أَنْ لَاإِلٰهَ إِلَّا اللّٰهُ، اَلْمَلِكُ الْحَقُّ الْمُبِيْنُ وَأَشْهَدُ أَنَّ سَيِّدَنَا مُحَمَّدًا ص م عَبْدُهُ وَرَسُوْلُهُ رَحْمَةً لِلْعَالَمِيْنَ.

اَيُّهَا الْإِخْوَة، إِتَّقُوْا اللّٰهَ رَبَّ الْعَالَمِيْنَ فِي كُلِّ وَقْتٍ وَحِيْنٍ حَتَّى يَأْتِيَكَ الْيَقِيْنُ تَدْخُلُوْا جَنَّةَ رَبِّكُمْ سَالِمِيْنَ غَانِمِيْنَ فَائِزِيْنَ.

أَعُوْدُ بِاللّٰهِ مِنَ الشَّيْطَانِ الرَّجِيْمِ، يٰاَيُّهَا الَّذِيْنَ آمَنُوْا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَلَّكُمْ تَتَّقُوْنَ.

               

Hadirin sidang Idul Fitri anu mulya!

Alhamdulillah WasSyukru A’la Niamillah, urang sadaya dipaparinan kapercantenan panjang punjung panjang yuswa dugi kana rajana sasih anu paling mulya, buktosna sasih Romadon. Anu dina dinten ieu maparinan hadiah anu melimpah ruah, anu mangrupi rohmat, magfiroh sareng karidoan Alloh. Sakumaha pidawuh Nabi SAW:

شَهْرُ رَمَضَانَ أَوَّلُهُ رَحْمَةٌ وَأَوْسَطُهُ مَغْفِرَةٌ وَآخِرُهُ عِتْقٌ مِنَ النَّارِ

Ari bulan Romadon teh awalna nyaeta tanggal 1-10 saatna Alloh ngalungsurkeun kanyaahna ka umat Islam, tengah-tengahna nyaeta tanggal 11-20 saatna Alloh maparinan pangampura, oge akhirna bulan Romadon tanggal 21-29 atawa 30, saatna Alloh ngamerdekakeun hambana, anu manjing asup ka Naraka, dibebaskeun.

Mudah-mudahan urang sadayana kalebet kana eta katerangan Hadits Nabi. آمِيْن يَارَبَّ الْعَالَمِيْنَ

                

Hadirin sidang Idul fitri anu mulya! 

Alloh ngadawuh:

فَلَوْلَا فَضْلُ اللّٰهِ عَلَيْكُمْ وَرَحْمَتُهُ لَكُنْتُمْ مِنَ الْخٰسِرِيْنَ (البقرة:64)

“Maka lamun teu ku fadol Alloh anu dipaparinkeun ka anjeun, oge lamun teu aya rohmatNa, tangtu bukti aranjeun kabeh kaasup jajaran jalma-jalma anu rugi”.

Oge Nabi SAW ngadawuh:  كُلُّ بَنِيْ آدَمَ خَطَّاءٌ وَخَيْرُ الْخَطَّائِيْنَ التَّوَّابُوْنَ

“Setiap anak Adam boga kasalahan/dosa, ari pangalus-alusna jalma anu berdosa, nyaeta jalma-jalma anu taubat”.

اَلْإِنْسَانُ مَحَلُّ الْخَطَأِ وَالنِّسْيَانِ

“Manusa teh tempatna salah jeung poho”

Makhluk anu salamina ma’siat, nyaeta setan dibawah pimpinan Iblis.

Makhluk anu salamina to’at, nyaeta para malaikat.

Ari makhluk anu sakapeng ma’siat, sakapeng toat, nyaeta manusa. Dimana manusa gawe ma’siat, maka eta jalma keur kasifatan ku sifat setan, dimana manusa gawe toat, maka eta jalma keur kasifatan ku sifat malaikat.

                Tina sapalihna anugrah gusti Alloh,  nyaeta solat 5 waktu, solat Jumaah, puasa Romdon, ibadah haji jeung umroh sakumaha pidawuh Rosul:

اَلصَّلَوٰتُ الْخَمْسُ وَالْجُمْعَةُ إِلَى الْجُمْعَةِ وَرَمَضَانُ إِلَى رَمَضَانَ وَالْعُمْرَةُ إِلَى الْعُمْرَةِ وَالْحَجُّ إِلَى الْحَجِّ مُكَفِّرَاتٌ لِمَا بَيْنَهُنَّ

(1)    Sholat 5 waktu ngahapus kana dosa anu aya antara solat jeung solat.

(2)    Solat Jum’ah ngahapus kana dosa antara Jum’ah jeung Jum’ah.

(3)    Puasa Romadon ngahapus kana dosa antara Romadon jeung Romadon.

(4)    Ibadah umroh ngahapus kana dosa antara umroh jeung umroh.

(5)    Ibadah haji ngahapus kana dosa antara ibadah haji jeung ibadah haji anu geus kaliwat.

Anapon secara umum Alloh ngadawuh: 

إِنَّ الْحَسَنَاتِ يُذْهِبْنَ السَّيِّئَاتِ

“Saestuna ari pirang-pirang amal anu alus, eta ngahapus kana pirang-pirang kagorengan”.

                Sajaba amal soleh bisa ngahapus kana amal salah/ngiparatan kana dosa, oge amal soleh dina bulan Rajab pahalana dilipatgandakeun 70x, Bulan Sya’ban 700x, Bulan Romadon 1000x, eta oge ngarupakeun anugrah, sareng kanyaah Alloh anu wajib ku urang disyukuri. Ku cara: (1) ذِكْرُ النِّعَمِ = ngemut-ngemut/nyebutan rupa-rupa kani’matan anu parantos dipaparinkeun ku Alloh. (2) ذِكْرُ الْمُنْعِمِ = Dzikir atanapi nyebat-nyebat jenengan Alloh kucara getol maca Al-Qur’an firman Alloh, ngabacakeun Asmaul Husna, do’a dzikir, tasbih tahmid tahlil. (3) صَرْفُ النِّعَمِ = ngamanfaatkeun kani’matan dianggo ibadah ka Alloh. (4) طَاعَةُ الْمُنْعِمِ = toat ka Alloh anu maparin kani’matan setiap saat.

Mudah-mudahan amaliyah urang sadayana, anu parantos dilaksanakeun diantawisna ibadah saum Romadon, aya dina panampian Alloh, anu tiasa ngahapus kana dosa urang sadaya, sarta kenging pahala anu berlipat ganda, kenging predikat مُتَّقِيْنَ sahingga ngarawat kana rohmat magfiroh sareng rido Alloh SWT. Utamina mudah-mudahan sing jadi panghuni Surga. آمِيْنَ

اَللّٰهُمَّ تَقَبَّلْ مِنَّا وُضُوْئَنَا وَصَلَاتَنَا وَصِيَامَنَا وَقِيَامَنَا وَتَهْلِيْلَنَا وَتَكْبِيْرَنَا وَتَمْجِيْدَنَا وَخُشُوْعَنَا وَتَضَرُّعَنَا وَلَا تَجْعَلْ فِي قُلُوْبِنَا غِلًّا لِلَّذِيْنَ آمَنُوْا رَبَّنَا إِنَّكَ رَئُوْفٌ رَحِيْمٌ رَبِّ اغْفِرْ وَارْحَمْ وَأَنْتَ خَيْرُ الرّٰحِمِيْنَ

“Ya Alloh, mugi gusti nampi ti abdi sadaya, kana wudu abdi sadaya, solat abdi sadaya, boh Fardu boh Sunat, mugi gusti nampi kana saum abdi sadaya, solat tarowih abdi sadaya, bacaan tahlil abdi sadaya, bacaan takbir abdi sadaya, oge ngagungkeun abdi sadaya ka Gusti, kakhusuan abdi oge kana depe-depe abdi ka Gusti mugia katampi, mudah-mudahan Gusti teu ngajadikeun dina hate abdi sadaya kana sifat benci ka jalma-jalma anu ariman. Ya Alloh Pangeran abdi sadaya, Gusti Dzat anu maha Welas tur Asih. Ya Alloh Pangeran abdi, mugi Gusti kersa ngahapunten sarta mikawelas mikaasih ka abdi sadaya, Gusti Dzat anu maha Welas tur Asih, ku fadilah sareng ku barokah sinareng kaagungan sasih Romadon. آمِيْنَ

                

Hadirin sidang Idul Fitri anu mulya!

Rosululloh ngadawuh: “Dimana-mana umat Islam rengse/tamat puasana tuluy isukna kaluar ti imahna, menuju tempat sholat Idul Fitri, maka Alloh ngadawuh: “Wahai Malaikat, saksian ku aranjeun kabeh, Kaula geus ngahampura kana dosa-dosa maranehna, saperti bayi anu kakara lahir ti indungna.”” kusabab kitu, eta poe (ieu poe) disebut عِيْدُ الْفِطْرِ = balik deui kana kasucian, bebas tina dosa.

جَعَلَنَا اللّٰهُ مِنَ الْعَاعِدِيْنَ وَالْفَائِزِيْنَ تَقَبَّلَ اللّٰهُ مِنَّا وَمِنْكُمْ صِيَامَنَا وَصِيَامَكُمْ

“Mudah-mudahan urang sing kalebet jajaran jalmi-jalmi anu kembali kana kasucian, bebas tina dosa, oge kenging kabagjaan Dunia Akherat. Mudah-mudahan Alloh nampi kana amal ibadah urang sadayana, utamina nampi kana ibadah Saum urang sadayana. آمِيْنَ

                

Hadirin sidang Idul Fitri anu mulya!

Anas Bin Malik ngadawuh:  لِلْمُؤْمِنِ خَمْسَةُ أَعْيَادٍ

“Eta tetep pikeun jalma Mu’min ari 5 rupa Idul Fitri”.

Nyaeta (1) Tiap-tiap poe anu dina eta poe, teu tumiba kana dosa, maka eta poe disebut Idul Fitri keur manehna. (2) Poyanan maot eta jalma, bari mawa Iman Islam, cirina ngucap dua Kalimah Syahadat, Oge salamet tina godaan Syaitan dina waktu sakaratna, maka eta poe disebut Idul Fitri pikeun manehna. (3) Dina poyanan mentas Sirotol Mustaqim di poe Kiamah, eta jalma salamet mentasna, oge salamet tina pakewuh di poe Kiamah, oge salamet tina dakwaan permusuhan jeung papada manusa, oge salamet tina siksaan Naraka, maka eta poe disebut Idul Fitri pikeun eta jalma. (4) Poyanan hiji jalma asup ka Sawarga, oge salamet tina Naraka Jahim, maka eta poe disebut Idul Fitri pikeun eta jalma. (5) Poyanan hiji jalma, tepang sareng Gusti Alloh, ningali ka Dzat Alloh, maka eta poe disebut Idul fitri anu sajati. Mudah-mudahan urang sadayana mendakan kana Idul Fitri anu 5. Henteu sakadar mendakan Idul Fitri poe ayena.

                

Hadirin sidang Idul Fitri anu mulya! 

Rosul ngadawuh:

لِلصَّائِمِ فَرْحَتَانِ فَرْحَةٌ عِنْدَ الْإِفْطَارِ وَفَرْحَةٌ عِنْدَ لِقَاءِ رَبِّهِ

“Pikeun jalma nu puasa aya dua kabingahan (1) Bungah nalika buka puasa setiap magrib, oge buka puasa sabada tamat puasa sabulan nyaeta dina poyanan Idul Fitri. (2) Kabungah anu pangbungah-bungahna nyaeta kabungah tepang sareng gusti Alloh di jero Sorga.”

Mudah-mudahan eta kabungah sing kependak ku urang sadayana. آمِيْنَ

                

Hadirin sidang Idul Fitri anu mulya!

Puasa Romadon dilengkapi ku wajibna zakat Fitrah. Anu fadilahna dumasar kana Hadits Nabi SAW:   

مَنْ أَعْطَى صَدَقَةَ الْفِطْرِ كَانَ لَهُ عَشَرَةُ أَشْيَاءَ : الخ

“Sing saha jalma anu ngaluarkeun zakat Fitrah, maka eta jalma menang 10 kamulyaan”. Nyaeta: (1) Suci dirina tina pirang-pirang dosa. (2) Dibebaskeun tina siksa Naraka. (3) Puasana dijamin bakal ditarima. (4) Dipastikeun asup Sorga. (5) Bakal bijil ti kuburna dina kaayaan salamet/aman. (6) Sakabeh amalna dina eta tahun ditarima. (7) Misti bakal ngarawat kana Syafaat Kaula (Syafaat Nabi dina poe kiamah). (8) Bakal bisa mentas صِرَاطَ الْمُسْتَقِيْمْ bari cepat saperti kilat, tur salamet. (9) Timbangan amal solehna leuwih berat tibatan timbangan amal salahna. (10) Dihapus ngaran eta jalma tina buku daftaran jalma-jalma nu cilaka.

Mudah-mudahan Zakat Fitrah anu tos dikaluarkeun jadi wasilah ngarawat kana eta kamulyaan anu 10 rupa. آمِيْنَ يَا رَبَّ الْعَالَمِيْنَ

                

Hadirin sidang Idul Fitri anu mulya!

Sing emut! Yen ditengah-tengah kabagjaan umat islam dina ieu poe, urang sadayana diintip ku makhluk terkutuk buktina Syetan di bawah naungan Iblis, anu baris ngahancurkeun kana kabagjaan umat Islam.

Sakumaha dawuhan Nabi anu katampi ti Wahab Bin Munabbah:

إِنَّ إِبْلِيْسَ عَلَيْهِ اللَّعْنَةُ يَصِيْحُ فِي كُلِّ عِيْدٍ .... الخ

“Saestuna Iblis anu dila’nat ku Alloh sok ngajerit maratan langit ngoceak maratan jagat dina tiap-tiap poe Idul Fitri”. Tuluy balad-baladna nyaeta Syetan pakumpul nanyakeun aya naon? Eta Iblis ngajawab: “Yen dina poe ieu Alloh maparinan pangampura ka ieu umat. Jadi, maraneh kudu nyieun ieu umat sina ngalajur nafsu, ngumbar kahayangna ku pesta pora minum-minuman keras jeung sajabana, sahingga Alloh mikangewa deui ka maranehanna”.

Kusabab kitu, urang sadayana kudu hati-hati ulah ngalajur nafsu ngumbar kahayang, ngayakeun acara/upacara bertentangan jeung agama. Sesuai sareng pidawuh Rosul:

اِجْتَهِدُوْا يَوْمَ الْفِطْرِ فِي الصَّدَقَةِ وَأَعْمَالِ الْخَيْرِ وَالْبِرِّ مِنَ الصَّلَاةِ وَالزَّكَاةِ وَالتَّسْبِيْحِ وَالتَّهْلِيْلِ فَإِنَّهُ اَلْيَوْمُ الَّذِيْ يَغْفِرُ اللّٰهُ فِيْهِ ذُنُوْبَكُمْ وَيَسْتَجِيْبُ دُعَائَكُمْ وَيَنْظُرُ إِلَيْكُمْ بِالرَّحْمَةِ

“Kudu sungguh-sungguh aranjeun kabeh ngalakonan amal soleh dina poe Idul Fitri, kucara bersodakoh sareng amal-amal anu aralus saperti solat, zakat, boh fardu boh sunat, seerkeun maca Tasbih Tahlil, karena saestuna Idul Fitri teh, eta hiji poe, anu dina eta poe, Alloh ngahampuran kana dosa-dosa aranjeun, oge ngaijabah kana doa-doa aranjeun, oge Alloh mikanyaah ka aranjeun”.

Kitu dawuhan Rosul, amanat ka urang sadayana.

                

Hadirin sidang Idul Fitri anu mulya!

Peryogi kauninga yen dosa anu dihampura ku Alloh, kusabab puasa sareng amaliyah dina bulan Puasa teh nyaeta dosa ka Alloh. Anapon dosa-dosa ka manusa mah teu kahapus. Kumargi kitu, jadikeun Idul Fitri sebagai ajang

صِلَةُ الرَّحْمِ، اِسْتِحْلَالْ، اِسْتِرْضَا، اِسْتِبْرَاء

Tegesna silih halalkeun, silih ridokeun, bisi aya katuangan, leeuteun anu teu halal, oge silih lubarkeun dosa jeung keluarga, baraya, oge tatangga. Sabada kitu urang kedah nyiapkeun diri pikeun ningkatkeun amal soleh di bulan Syawal jeung saterusna. Sabab harti شَوَّالٌ = bulan peningkatan amal. 

لَيْسَ الْعِيْدُ لِمَنْ لَبِسَ الْجَدِيْدَ وَلٰكِنَّ الْعِيْدَ لِمَنْ طَاعَتُهُ تَزِيْدُ

“Idul Fitri teh lain pikeun jalma anu bajuna weuteuh, daharna seubeuh, imahna pageuh, tapi Idul Fitri mah, pikeun jalma anu toatna ka Alloh tambah giat/semangat”.

بَارَكَ اللّٰهُ لِيْ وَلَكُمْ

Khutbah Idul Fitri Sunda Tahun 2020 - 1441 H

Khutbah II

اَللّٰهُ أَكْبَرُ x7 لَاإِلٰهَ إِلَّا اللّٰهُ وَاللّٰهُ أَكْبَرُ اَللّٰهُ أَكْبَرُ وَلِلّٰهِ الْحَمْدُ

اَلْحَمْدُ لِلّٰهِ وَاهِبِ الْعَطِيَّة – وَالصَّلَاةُ وَالسَّلَامُ عَلَى خَيْرِ الْبَرِيَّة - سَيِّدِنَا مُحَمَّدٍ وَعَلَى آلِهِ وَأَصْحَابِهِ ذَوِيْ النُّفُوْسِ الزَّكِيَة – صَلَاةً وَسَلَامًا دَائِمَيْنِ مُتَلَازِمَيْنِ إِلَى يَوْمِ الْقِيَامَة- أَشْهَدُ أَنْ لَا إِلٰهَ إِلَّا اللّٰهُ وَحْدَهُ لَا شَرِيْكَ لَهُ وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِيْ لَا نَبِيَّ بَعْدَهُ. أَيُّهَا الْحَاضِرُوْنَ! اِتَّقُوْا اللّٰهَ فِي السِّرِّ وَالْعَلَانِيَةِ لَعَلَّكُمْ تَفُوْزُوْنَ فِي الدُّنْيَا وَالْآخِرَةِ، أَعُوْذُ بِاللّٰهِ مِنَ الشَّيْطَانِ الرَّجِيْمِ، إِنَّ اللّٰهَ وَمَلۤئِكَتَهُ يُصَلُّوْنَ عَلَى النَّبِيِّ يٰأَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا، اللّٰهُمَّ صَلِّ وَسَلِّمْ وَبَارِكْ عَلَيْهِ آمِيْنَ.

اَللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وَالْأَمْوَاتِ يَاقَاضِيَ الْحَاجَاتِ إِنَّكَ سَمِيْعٌ قَرِيْبٌ مُجِيْبٌ الدَّعْوَاتِ، اللّٰهُمَّ ادْفَعْ عَنَّا الْغَلَآءَ وَالْبَلَآءَ وَالْوَبَآءَ وَالْفَحْشَآءَ وَالْفَأْرَةَ وَالْمُنْكَرَ وَالسُّيُوْفَ الْمُخْتَلِفَةَ وَالشَّدَآئِدَ وَالْمِحَنَ مَا ظَهَرَ مِنْهَا وَمَا بَطَنَ مِنْ بَلَدِنَا هٰذَا خَاصَّةً وَمِنْ بُلْدَانِ الْمُسْلِمِيْنَ عَامَّةً إِنَّكَ عَلَى كُلِّ شَيْئٍ قَدِيْرٌ. اللّٰهُمَّ اجْعَلْنَا مِنَ الْعَائِدِيْنَ وَالْفَائِزِيْنَ وَالْمَقْبُوْلِيْنَ وَاجْعَلْنَا مِنْ أَهْلِ الْجَنَّةِ مَعَ الْأَبْرَارِ مِنَ النَّبِيِّيْنَ وَالصِّدِّيْقِيْنَ وَالشُّهَدَآءِ وَالصَّالِحِيْنَ وَأَهْلِ طَاعَتِكَ أَجْمَعِيْنَ مِنْ أَهْلِ السَّمٰوَاتِ وَالْأَرْضِ بِرَحْمَتِكَ يَاأَرْحَمَ الرَّاحِمِيْنَ. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ. يَاعِبَادَ اللّٰهِ إِنَّ اللّٰهَ يَأْمُرُ بِالْعَدْلِ وَالْإِحْسَانِ وَإِيْتَآءِ ذِيْ الْقُرْبٰى وَيَنْهٰى عَنِ الْفَحْشَآءِ وَالْمُنْكَرِ وَالْبَغْيِ لَعَلَّكُمْ تَذَكَّرُوْنَ، فَاذْكُرُوْا اللّٰهَ الْعَظِيْمَ يَذْكُرْكُمْ وَاسْئَلُهُ مِنْ فَضْلِهِ يُؤْتِكُمْ وَلَذِكْرُ اللّٰهِ أَكْبَرُ، وَاللّٰهُ يَعْلَمُ مَا تَصْنَعُوْنَ